O concello de Sober estrea esta semana o servizo de conciliación familiar “Concilia”, que estará dispoñible depois das clases en horario de mañá e de tarde. Comeza con 16 alumnos do Colexio Virxe do Carme.

O obxetivo deste servizo é a atención ao alumnado de primaria antes e despois da xornada lectiva. Preténdese axudar a aquelas familias que necesitan que os seus cativos entren antes ou saian máis tarde do colexio. Dispoñen deste servizo pola mañá desde as 7:45 ata as 9:30 e pola tarde de 15:45 ata as 17:30h. Un profesional atenderá aos rapaces e realizarán xogos e outras actividades.