Esta veciñanza refírese a dous proxectos en marcha, un furancho amparado pola nova normativa ao respecto e un hotel. Aseguran que estes proxectos se ven paralizados pola negativa da Deputación Provincial a outorgar os permisos pertinentes. “Esta parálise supón un quebranto económico para os promotores de ditos proxectos así como un lastre para a oferta turística da zona. Unha situación de parálise que non se dá noutras zonas da Ribeira Sacra onde todo son facilidades e achegas económicas.”
Lamentan que na parroquia de Belesar se conte cun local de hostalería “con participación da Deputación Provincial, e que o servizo non teña horario fixo, dubidamos de que conte coa licencia necesaria para funcionar.”
Aseguran estes veciños que piden trato conforme á normativa vixente sen reclamar trato de favor, “tan só queremos que non se poñan atrancos ás iniciativas privadas que redundarán en beneficio de toda a parroquia.”