A primeira cita será este venres, 3 de marzo, cunha Mesa coloquio de “Mulleres Emprendedoras de Chantada”. Terá lugar ás 20:15 h. no Auditorio Municipal, nun acto aberto e gratuíto para todo o público. Moderadas pola historiadora, Tamara González, case unha decena de mulleres falaran da súa experiencia na construción, turismo, saúde, comunicación, gandería, moda, artes, estética ou enoloxía.

Contarase tamén con propostas encamiñadas aos máis novos/as da casa. O 4 de marzo ás 12.00 na Biblioteca Pública Municipal de Chantada haberá Contacontos pola Igualdade: “E ti, que queres ser de maior?”. 12:00 h. Estas citas cos contos seguirán o día 25 de marzo no mesmo horario e lugar con, “En clave de muller”. E o 17 de marzo levarase aos colexios de Chantada, “Contos vellos, novos finais”.

O mércores 8 de marzo como vén sendo habitual nos últimos anos lerase un manifesto na praza do Cantón ás 13:00 h., onde desde as 12.00 haberá Acrobacias de Muller.