IniciosociedadeMonforte presenta a programación do 8M

Monforte presenta a programación do 8M

Este venres 3 de marzo, a Tenente de Alcalde, Gloria Prada en representación de José Tomé e a Concelleira de Muller e Igualdade, Margarita López, deron a coñecer o programa deseñado polo Concello arredor do 'Día internacional da muller'.

Publicado o

POR
Redacción
- Advertisement -

O programa deste ano vaise desenvolver baixo a mensaxe “A igualdade non é flor dun día”, un chamamento a manter vivo o espírito do 8M durante os 365 días do ano para que a sociedade siga avanzando cara a igualdade real entre homes e mulleres.

Segundo a concelleira de Muller e Igualdade, Margarita López, a elección do lema ten un dobre simbolismo. Por  un lado, destacar a importancia de manter prendida durante todo o ano a chama desta data. “Hoxe e sempre debemos cultivar a conciliación, a corresponsabilidade, o respecto… só así, alcanzaremos a meta, que é a igualdade”, asegurou a representante municipal; e por outro poñer en valor o traballo que se leva feito. En palabras de Margarita López respecto deste último punto de vista: “Se miramos atrás vemos que superamos importantes obstáculos, que a igualdade non é flor dun día, senón froito do esforzo de moitas xeracións ás que debemos tanto. Estamos máis preto, pero como sociedade temos a responsabilidade de seguir dando pasos cara adiante ata acadar o obxectivo. É a obriga de todas e de todos, seguir escribindo un presente e un futuro máis xusto”.

PROGRAMA

O mércores 8 de marzo, ás 12:00 horas, e como é tradición, a Concelleira de Muller e Igualdade, Margarita López Rodríguez procederá á Lectura do Manifesto na Praza do Concello. En consonancia coa mensaxe, estando esta relacionada coas prantas e o feito de regalas e coidalas cada día repartiranse no propio acto entre a cidadanía varios exemplares de “Plantas da Igualdade” que levarán ás súas casas para coidar a diario, do mesmo xeito que teríamos que coidar a igualdade.

Tamén se lle explicará á cidadanía o significado da presencia en diferentes rúas da cidade dunhas macetas de gran tamaño e co lema “A igualdade non é flor de un día” que teñen como fin lembrarnos a todos e todas a necesidade de promover e practicar a igualdade na vida cotiá.

Seguindo coa simboloxía, e despois da lectura do manifesto, varios representantes de colectivos sociais aportarán un puñado de terra ás “Plantas da Igualdade” lendo en alto a mensaxe que cada un deles fai de maneira individual con respecto a esta loita que é a de todos.

As plantas da Igualdade tamén se repartirán nos centros educativos entre os nenos e nenas de primaria e infantil fomentando unha educación en igualdade desde idades temperás.

Pensando en que os cativos e cativas son un sector da poboación clave para a educación e concienciación, organízanse tamén actividades dirixidas ao alumnado de educación primaria e secundaria con un alto valor educativo. Trátase de actividades colaborativas e xincanas coas que se invita aos rapaces a atopar momentos de debate e reflexión sobre a igualdade de xénero.

Estas actividades están financiadas con cargo aos fondos transferidos pola Secretaría de Estado de Igualdad y contra la Violencia de Género, para o desenvolvemento de novas ou ampliadas competencias reservadas ás entidades locais no Pacto de Estado contra a violencia de xénero para o exercicio 2023.

Continuando coa sensibilización pola igualdade, e destinada a público xeral, colocaranse carteleiras en distintas zonas da cidade, así como un vinilo no autobús urbano, e farase unha proxección dixital na Torre da Homenaxe con iluminación en cor malva co lema “Monforte pola Igualdade” que permanecerá acendida dende as 19:30 h. ata as 22:00 h. do día 8 de marzo.

Como remate de actividades, o 9 de marzo, en colaboración coa Concellería de Cultura, desenvolverase no Edificio Multiusos ás 20:15 h. a representación teatral “DOCE UVAS, DÚAS MULLERES E UNHA OLIVA” a cargo da Compañía Olivas Negras.

ÚLTIMAS

“O meu agasallo favorito foi unha máquina de coser”, Sonia Argiz, emprendedora

Sonia Argiz Río é unha galega afincada en Castelo, no Concello de Taboada, lugar...

Sober presenta o cartel e a programación da XLIV Feira do Viño e o Mes do Amandi

Este ano o convidado de honra é o Concello de Pereiro de Aguiar, nunha...

Katy Varela: “Tomé equivócase ao negarse a flexibilizar as modificacións da ordenanza de tráfico”

O equipo de goberno do concello de Monforte, no pleno desde luns pode definitivamente...

Recurso de reposición de Por Chantada á aprobación definitiva do proxecto de urbanización da rúa Rego

Con estes antecedentes, Por Chantada presenta un recurso potestativo de resposición que pon fin...