Os traballos preparatorios de elaboración deste PXOM que se acaba de aprobar comenzaron no ano 2010 co obxectivo principal de reducir superficie no ámbito do solo de núcleo rural e cambiar así o carácter de moitos terreos que no Catastro tiñan a consideración de solo urbano e que agora pasan a ser solo rústico.

Este novo Plan conleva unha modificación importante das dimensións dos núcleos rurais e co ánimo de explicar á veciñanza a situación destes terreos e outros aspectos do novo planeamento, celebraranse reunións informativas coa presenza do técnico municipal, desde as 12:00 ata as 14:00, nos lugares e datas seguintes:

• 22 de marzo, na Cruz do Incio, no local multiusos do Concello.
• 29 de marzo, no Val do Mao, Santo Eufrasio, no local social.
• 5 de abril, en Vilademouros, no local social.