Xa están en marcha as obras de mellora dos viais Pantón, Perfecto, Río, Ribas de Sil, Courel e Diego de Lemos que unen as rúas Cobas e Ourense. Tamén se van beneficiar as travesías Conde Froila Díaz e Poeta Pero de Veer, dotándoas dunha nova capa de rodadura de aglomerado en quente a cargo da empresa Acoval S.A.

Nuns días, está previsto que se melloren 700 metros do firme nun tramo da rúa Ourense, o que vai dende o concesionario da Opel ata a rotonda, e algunhas zonas das beirarrúas. A empresa Asfalgal Técnicas Viarias S.L será a encargada de realizar as obras.

O investimento total destas obras ascende a 103.035 euros.