Melloras na estrada provincial do Incio

Un cento de veciños de O Incio benefícianse dos traballos de mellora da estrada que comunica A Cruz do Incio con outros núcleos de poboación.

Dario Campos e Laura Celeiro supervisan o resultado das melloras de estrada provincial de O Incio / Deputación Provincial

A Deputación de Lugo financiou con 55.600 euros as obras de mellora na estrada provincial LU-P-250, que vai desde O Incio, por Foilebar e Vilarxoan, ata a LU-P 5603, na que se executaron melloras nun treito de 1,6 quilómetros. Esta vía comunica a capitalidade do municipio, a Cruz do Incio, con outros núcleos de poboación, como Foilebar, así como co Concello de Samos.

As actuacións consistiron na limpeza de cunetas, e mellora do firme con aglomerado en quente e, incremento da seguridade con instalación de sinalización horizontal e vertical.

Estes traballos beneficiarán a máis dun cento de veciños do concello do Incio.

DEIXAR UN COMENTARIO

Please enter your comment!
Please enter your name here