IniciosociedadeUnha Medieval multitudinaria vestiu Monforte de cor, calor, sons e lume

Unha Medieval multitudinaria vestiu Monforte de cor, calor, sons e lume

Esta fin de semana Monforte celebrou a XIX edición da Feira Mendieval, a cita medra ano tras ano e camiña para converterse en Feira de Interese Turístico de Galicia.

Publicado o

POR
Redacción
- Advertisement -

A cidade do Cabe regresou esta fin de semana á época medieval. As rúas vestíronse para a ocasión e tamén o fixeron moitos dos veciños e visitantes que participaron da festa. O ambiente completábase cos diferentes espectáculos e actividades, os postos gastronómicos e de artesanía repartidos por todo o casco histórico, as xustas medievais do campo dos Escolapios ou a cetrería na Praza de San Antón e As Lendas que amenizaron con ambientación sonora esas horas bruxas de meigas e trasgos que se mesturaban coa xente.

Se as Festas Patronais enchen de vida a cidade, o mesmo acontece coa Feira Medieval. Ademais da cantidade de xente que participou de todas as propostas, sen faltar á subida a San Vicente para a solta de faroliños; os locais de hostalería estaban ata a bandeira e os estacionamentos quedáronse xustos para recibir á cantidade de visitantes que quería participar da Feira e tamén coñecer o patrimonio histórico de Monforte.

No casco histórico o ambiente sonoro era unha festa, que chamaba a viaxar no tempo e pasear as rúas vestidos para a ocasión. Un ano máis o Monforte Medieval gozou de boa climatoloxía, a hostelería case remata existencias e a noite do sábado prolongouse ata a mañá seguinte, un domingo no que se seguiu gozando dunha cita que xa ten consolidada a súa presenza entre as mellores Feiras Medievais de Galicia.

Apertura Feira Medieval 2023 / Concello de Monforte

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...