HomesociedadeDous premios de robótica para o departamento de informática do IES A...

Dous premios de robótica para o departamento de informática do IES A Pinguela

O equipo do IES A Pinguela vén de conseguir un 1º e un 3º premio no VI Campionato de Robótica que organiza a Escola de Enxeñería Industrial da Universidade de Vigo.

Publicado o

POR
Redacción
- Advertisement -

O departamento de informática do IES A Pinguela de Monforte participou por primeira vez nesta competición, que nesta ocasión reuniu a 116 equipos de Galicia. O IES A Pinguela estivo representado por dous equipos de alumnos de 1º do Ciclo Medio de Sistemas Microinformáticos e Redes, coordinados polo seu profesor José Pino, obtendo o primeiro e terceiro posto das súas categorías de competición.

Estes estudantes competiron na categoría DEMO-Robot, enfocada para estudantes de estudos medios, superiores e universitarios, categoría na que os equipos teñen que demostrar a súa habilidade no deseño e construción de robots así como na programación dos mesmos para catro probas diferentes.

O equipo “Guntineitor”, formado por Diego Guntín gañou dúas das catro probas, obtendo finalmente o primeiro premio da súa categoría. Por outro lado, o equipo “Dubel”, formado por Javier Area, David Delgado, Hugo López, Álvaro Mariñas, Victor Peralta, David Rodríguez e Manuel Rodríguez, quedou terceiro da mesma categoría.

“Foi un gran éxito, xa non só polos premios conseguidos senón polo traballo realizado, dadas as moitas horas de lecer dedicadas a montar e programar os robots, o que sen dúbida poderá supoñer unha saída profesional no seu futuro,” aseguran desde o centro.

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...