A D.O. Ribeira Sacra participa na XII Feira Nacional do Viño que se celebra dende hoxe e ata o 11 de maio na cidade manchega de Ciudad Real. A D.O. Ribeira Sacra estará presente no stand da Xunta de Galicia, Pavillón 1, Osiris. Nesta edición do certame estarán presentes, tamén, as seguintes adegas da D.O. Ribeira Sacra con stand propio:
- Adega Saínas
- Dominio do Bibei SLU
- EDV 2015
- Moure Fernández, Rubén- Finca Cuarta
- Ponte da Boga
- Rectoral de Amandi. Bodegas Gallegas.
- Ronsel do Sil
- Terrazas de Outeiro
- Viñas de Belesar
A D.O. Ribeira Sacra estará representada tamén no Túnel do Viño de Galicia que organiza AGACAL, Axencia Galega de Calidade Diferenciada, contando coa participación de Adegas Terrae S.L. e Adegas Petrón S.L.
FENAVIN, UN ESCAPARATE CON RELEVANCIA INTERNACIONAL
A participación en Fenavin supón a presenza da D.O. Ribeira Sacra nunha das citas máis importantes do sector en España coa asistencia de máis de 1.900 adegas e case 20.000 compradores nacionais e internaciones, profesionais do sector vitivinícola, enólogos, sumilleres, adegueiros, xornalistas especializados e medios de comunicación en xeral, así como outros expertos do mundo do viño. Na edición deste ano amplíase a superficie expositiva a 28.000 metros cuadrados.
