O concello de Pantón é o único da Ribeira Sacra con tres ribeiras, a do Miño, a do Sil e a do Cabe. Esta fin de semana enxalzaba os seus viños coa participación de 9 adegas que este domingo recibían os seus agasallos por participar: Alma das Donas, Casa Moreiras, Finca Míllara, CiudáSeis, Nogueiras, Capilla, Saíñas, Don Ventura e Corzoás.

A cita inaugurábase o sábado coa participación do conselleiro do Medio Rural, José González, acompañado polo director da Axencia Galega da Calidade Alimentaria, José Luis Cabarcos, e polo alcalde de Pantón, José Luis Álvarez. Nesa xornada celebraríase a VI Romaría Festa da Empanada de Pantón, pola que as panadarías participantes recibiron tamén recoñecemento este domingo; Tuiriz, Tarrazo e Chimpa.

O alcalde de Pantón, José Luis Álvarez, abría o acto deste domingo no que estivo acompañado de alcaldes da contorna e outras aturidades como a subdelegada do Goberno en Lugo, Isabel Rodríguez; o conselleiro de Economía, Francisco Conde; o delegado territorial do gobierno gallego en Lugo, Javier Arias ou a subdelegada do goberno en Lugo, Isabel Rodríguez.

O xornalista, Tomás Guasch foi o encargado de dar o pregón no que fixo referencia á súa vinculación con Pantón, que considera a súa casa en Galicia e loubou a terra, a gastronomía, os viños, a Ribeira Sacra e as xentes, “Esta festa é unha homenaxe ao talento e ao traballo. Aquí estivo a man de Deus, a alma tamén vive nestas paraxes. Chámanlle a Pantón a Mesopotamia galegs con esas tres ribeiras. En Ferreira o día ten máis horas polo intenso e disfrutable. Viva o viño, o voso”, e desde o concello entregóuselle ao pregoeiro un agasallo de lembranza.

A festa, declarada de Interese Turístico de Galicia, reuniu a centos de veciños e veciñas da comarca, contando con actividades como degustacións e catas de viño, charangas e actuacións musicais.