IniciosociedadeA Xunta de Goberno de Monforte aproba o inicio dos trámites do...

A Xunta de Goberno de Monforte aproba o inicio dos trámites do Plan Especial para a construción da praia fluvial

O alcalde, cumprindo co compromiso que anunciou recentemente, levou á Xunta de Goberno deste luns a aprobación de inicio dos trámites do Plan Especial para a construción dunha Área Recreativa e Praia Fluvial en Monforte.

Publicado o

POR
Redacción
- Advertisement -

Esta aprobación supón o inicio do expediente de tramitación dunha dotación pública e gratuíta, á beira do río Cabe, que consistirá na creación dunha Área Recreativa e Praia Fluvial promovida polo Concello de Monforte. O primeiro paso é encargar aos Servizos de Contratación e Urbanismo, a redacción dos pliegos técnicos e administrativos para licitar a redacción do Plan Especial que é necesario para construír a dotación mencionada.

Un dos cometidos encomendados aos Servizos de Contratación é que o citado Plan Especial debe contar cos seguintes servizos: Azud desmontable (presa), praia fluvial cunha superficie de área que supera os 14.000 m2, zona verde con céspede e pradeira; accesos e aparcamentos para 366 vehículos; paseos para peóns, parque infantil, edificación para uso hosteleiro e aseos; parque infantil, almacén, peche perimetral, camiño exterior e mobiliario urbano, todo con enerxías renovables.

A outra das tarefas encomendadas ao Servizo responsable da redacción dos pliegos técnicos será refrendar, si fose o caso, a proposta de ubicación que fai o Concello, ou propoñer unha nova proposta que  teña en conta as posibilidades de disposición dos terreos para o fin que se pretende. O proxecto afectará a unha superficie total estimada en máis de 116.000 m2 “que estará formado por zonas diferenciadas de descanso e lecer, con características tamén diversas para poder abarcar os gustos desiguais dos visitantes e usuarios. Trátase por tanto, dunha dotación complexa e completa.”

O proxecto ten un custe estimado que ascende a 5.023.818,08 € e precisará de dous permisos, un da Confederación Hidrográfica e outro de Medioambiente ou do Instituto da Paisaxe da Xunta de Galicia.

ÚLTIMAS

Monforte estrea novo furgón de atestados para a Policía Local

O Alcalde de Monforte, José Tomé Roca, presentou o novo furgón de atestados para...

Redes Lilas visibiliza en Sober ás mulleres asasinadas en España no último ano

Esta semana tivo lugar a terceira actividade da programación feminista de 'Redes Lilas', proxecto...

Concerto do violonchelista Carlos Vidal, o 14 de abril en Sober

O músico, Carlos Vidal, ofrece o domingo, día 14, un concerto de violenchelo en...

María Vázquez será ‘pregoeira na súa terra’, na XXI Festa da Carne ao Caldeiro

O domingo 14 de abril terá lugar unha nova edición da Festa da Carne...