O xeodestino Ribeira Sacra comezou o mes de xuño cun 68% das prazas ocupadas para as fins de semana. As previsións en termos absolutos para todo o mes quedan como segue:
- Hoteis 4 e 3*: 66% (=% que en 2022)
- Turismo Rural: 65% (+14% que en 2022)
- Vivendas Turísticas e de Uso Turístico: 46% (+16% que en 2022)
- Outros aloxamentos: 48% (-15% que en 2022)
Dende o Consorcio de Turismo Ribeira Sacra sinalan que a diferenza de ocupación entre os días laborais e as fins de semana continúa a ser notable para o conxunto de aloxamentos. Entre semana, as expectativas son dun 51%, subindo ata o 68% nas fins de semana (datos reais de ocupación facilitados polos xestores que ata o de agora participaron na recollida).
Aínda así, a suba das previsións nos días laborais con respecto ao ano pasado é considerable, un 16% máis, e a media de ocupación para este mes sitúase nun 56%, 8 puntos por enriba das previsións do pasado 2022.
OCUPACIÓN NO PASADO MES DE MAIO
Segundo datos que manexa o Consorcio de Turismo Ribeira Sacra, o pasado mes de maio rematou cun 46% de ocupación. Os datos desagregados por tipo de aloxamento foron os seguintes:
- Hoteis 4 e 3*: 69%
- Turismo Rural: 49%
- Vivendas Turísticas e de Uso Turístico: 21%
- Outros aloxamentos: 47%
Para o conxunto de aloxamentos, descendeu lixeiramente a ocupación con respecto ao pasado 2022, especialmente na segunda quincena –probablemente ligada á inestabilidade do tempo– e notouse un lixeiro aumento na ocupación durante os días laborais, dun 2%.
