A CIG-Saúde no H.P. de Monforte asegura que os pacientes cando son vistos por un internista na consulta, en ocasións, son derivados á consulta de dixestivo para que os diagnostique e unha vez alí son atendidos polo mesmo internista que os derivou. “Entendemos que cando un internista deriva a un paciente a outra consulta é porque precisa axuda de ese especialista para realizar o seu diagnóstico.”

Piden contar con outro profesional para dixestivo porque “cren que aos doentes se lles está retrasando o diagnóstico porque si un internista te deriva á consulta de dixestivo e alí te volve a ver o mesmo internista, supoñemos que este o terá que derivar de novo á consulta de dixestivo co que se dilata no tempo dito diagnóstico e pódese poñer en risco a saúde do paciente.”

Lembra o sindicato que, na actualidade, faltan no Hospital os dous de dixestivo, dous rehabilitadores, unha pediatra e unha psiquiatra, “con todo o que isto supón para a poboación monfortina, a pesar de que antes das eleccións municipais o Sergas anunciara a bombo e platillo que ían vir 21 especialistas.” O sindicato engade que acaba de coñecer que as dúas hematólogas están de baixa “e a partir de agora só as van cubrir dous días por semana.”