A subdelegada repasou con eles os asuntos máis relevantes relacionados coa seguridade en Monforte de Lemos e desexoulle “todos os éxitos” no seu novo desempeño profesional. Tamén, fixo mención e agradeceu á anterior inspectora xefe, Mónica Gutiérrez, “que realizou un importante esforzo polo pobo monfortino que vai ser continuado agora por Bernardo Tomás García”.
Neste sentido, a subdelegada afirmou que “hai que agradecer o bo traballo que fan todos os funcionarios das tres comisarías da provincia, así como a súa entrega e dedicación”, e aproveitou para facer un recoñecemento a ese labor.
O novo inspector xefe naceu en 1975 na cidade de Pontevedra e é licenciado en Dereito pola Universidade de Salamanca. Ingresou na Escala Executiva do Corpo Nacional de Policía no 2000 e xurou o cargo como Inspector de Policía tres anos despois. En marzo deste ano, ascendeu á categoría de inspector xefe exercendo na Brigada Local de Policía Xudicial de Sieiro. O seu último destino é o da Comisaría Local de Monforte de Lemos. Ata o momento, recibiu 67 felicitacións públicas e posúe 1 cruz ao Mérito Policial con distintivo branco.
