Agora amplía, cun modelo híbrido, a súa flota de transporte adaptado

A asociación AGORA de Persoas con Discapacidade de Monforte de Lemos, entidade que forma parte de COGAMI, dispón dun novo vehículo adaptado que se suma á flota de transporte que ten a entidade para trasladar ás persoas usuarias do seu centro de día e ocupacional, permitíndolles acudir aos talleres ademais de recibir as súas terapias.

Agora novo vehículo / Cogami

Agora é unha entidade sen ánimo de lucro que xurde no ano 1992 coa misión de defender os dereitos das persoas con discapacidade da comarca de Lemos, para acadar unha plena participación na sociedade. Actualmente conta con 89 persoas asociadas e atende diariamente nos diferentes programas e servizos que desenvolve, a 32 persoas con discapacidade.

Este novo vehículo conta con 9 prazas das que 4 están adaptadas para persoas con mobilidade reducida. Outra das características é que se trata dun medio de transporte híbrido, supoñendo, ademais dun importante aforro en combustible, dar resposta ao compromiso que a entidade ten no proceso de redución da pegada de carbono.

Mellóranse así as demandas de transporte que se precisan para trasladar ás persoas usuarias ata as actividades que desenvolven no centro de día para persoas con discapacidade física e tamén ao centro ocupacional para persoas con discapacidade intelectual. O novo vehículo está subvencionado pola Consellería de Política Social e Xuventude a través dos fondos Next Generation da Unión Europea dentro do Plan de Recuperación, Transformación e Resiliencia.

DEIXAR UN COMENTARIO

Please enter your comment!
Please enter your name here