As viaxeiras e viaxeiros chegados da Bretaña, acompañados por veciñanza de Sarria, percorreron o interior do Pazo de San Marcos e o xardín, coñecendo tanto o edificio como a función e a fórmula de elección dos representantes provinciais, homologables ao departément francés.

O vicepresidente da Deputación, tamén concelleiro en Sarria, felicitou “a sarriás e bretóns por manter os lazos ao longo destes 25 anos, contribuíndo a visibilizar tamén os vínculos culturais entre Galiza e a Bretaña”. A visita á institución provincial completábase coñecendo o Centro de Artesanía e Deseño e o Museo de Lugo, así como Santalla de Bóveda.

A delegación bretona quedarase ata o martes. Ademais de Sarria e Lugo, nestes días achéganse a Bretoña, ao Festival de Pardiñas e ao Xeoparque do Courel.