HomesociedadeInaugurada a 23ª edición da Mostra Artelemos

Inaugurada a 23ª edición da Mostra Artelemos

A mostra celebrarase na rúa Cardenal de Monforte de Lemos ata o 9 de agosto servindo de anticipo das Festas Patronais da cidade. O certame contará con 30 participantes e durará 6 días.

Publicado o

POR
Redacción
- Advertisement -

A Tenente de Alcalde do Concello de Monforte, Gloria Prada, inaugurou o venres 4 de agosto a XXIII Mostra de artesanía Artelemos 2023. A continuación houbo unha actuación musical do Grupo Municipal de Gaitas e Danza do Concello de Monforte e unha visita polos postos na que Prada estivo acompañada por outros membros do Equipo de Goberno e da Corporación municipal.

Esta mostra celebrarase na rúa Cardenal de Monforte de Lemos ata o 9 de agosto e convértese, como cada ano, na antesala das Festas Patronais da cidade, dentro do Programa Cultural de Verán do Concello.

En Artelemos 2023 participan de 30 profesionais da artesanía, que son 7 máis que en 2022, o número máis alto de participantes dos últimos anos, procedentes da comarca de Lemos, así coma outros puntos de Galicia e de España.

O certame deste ano durará seis días, un día máis do habitual, decisión que se tomou ante o éxito das vendas e o interese dos artesáns de alongar a presenza dos postos na concorrida rúa monfortina. O Concello aposta especialmente por unha Mostra de artesanía que recuperada no Nadal do ano 2015, tras anos de ausencia, dende que desaparecera a Fundación Comarcal Terra de Lemos, que a organizou entre os anos 1996 e 2011. Dende o ano 2015, Artelemos celebrase tódolos anos cun aumento progresivo de participantes e artesáns que avalan este tipo de eventos.

O horario durante os 6 días que durará a XXIII Mostra Artelemos será, pola mañá, de 10 a 14 horas, e pola tarde de 18 a 22 horas.

O programa completo está na web do Concello de Monforte e inclúe demostracións, que se desenvolverán de 12 a 14 horas, e de 19 a 21 horas.

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...