HomesociedadeComeza o dispositivo de tráfico das Patronais de Monforte co peche do...

Comeza o dispositivo de tráfico das Patronais de Monforte co peche do estacionamento no Parque dos Condes

Este luns día 7, Monforte pon en marcha o dispositivo especial de tráfico que leva a cabo a Policia Local de Monforte, co motivo da celebración das Festas Patronais entre os días 11 e 16 de agosto. Desde hoxe ás 23:00 permanecerá pechado ao tráfico o estacionamento do Parque dos Condes.

Publicado o

POR
Redacción
- Advertisement -

Por ser necesario para albergar as principais barracas e atraccións das festas, procederase ao peche do estacionamento no Parque dos Condes desde ás 23:00 horas do luns, día 07 de agosto, ata a completa desmontaxe das citadas instalacións, que previsiblemente será o venres, 18 de agosto.

Como alternativa, ademais de manter aberto o aparcamento existente na rúa Sarria, abrirarase ao público un solar na rúa Francisco Moure, pasando o paso a nivel, que estará dispoñible ata a finalización das festas e reapertura do anterior, e instalarase sinalización orientativa da súa ubicación.

Para permitir a montaxe das barracas e postos das festas, desde o mércores día 09 de agosto, incluido, ata a finalización das festas e desmontaxe das atraccións, suprimirase o estacionamento na rúa Compañía, pola marxe dereita no tramo frente ás Casitas”, e nas dúas marxes no resto ata o Paseo de Lugo. Igualmente, desde o mércores 09 de agosto, incluido, suprimirase o estacionamento na marxe dos pares da rúa Dalmiro de la Valgoma, a cal permanecerá habilitada como vía de dobre sentido de circulación durante todos os días das festas.

Desde o día 11 ó 16 de agosto, ambos incluidos, desde ás 18:00 horas ata a finalización das actuacións, que se estiman aproximadamente ás 04:00 horas, o tráfico estará cortado na súa totalidade na rúa Compañía, así como no tramo de Escultor Francisco Moure que vai desde o seu inicio ata a confluencia coa rúa Sarria.  No tramo da rúa Compañía que vai desde a bifurcación ata o paseo de Lugo, o tráfico estará cortado ás 24 horas, permitíndose o paso pola mañá dos días laborables a residentes, e vehículos comerciais para carga e descarga. Nese horario, o tráfico procedente do centro cidade será cortado na glorieta de Puente Fontecha e desviado por Roberto Baamonde – Av. Galicia – rúa Sarria/Celso Emilio Ferreiro e para acceder a Carud e A Pinguela seguirá por rúa Dalmiro de la Valgoma que estará en dobre sentido de circulación, e o que circule por rúa Escultor Francisco Moure será cortado a altura da rúa Sarria e desviarase por ésta e por Av. Galicia, ata rúa do Conde ou Roberto Baamonde.

O martes día 15 de agosto, o tráfico de subida ao conxunto monumental de San Vicente desde o Campo da Virxe estará cortado desde as 23:30 h. ata a finalización do lanzamento dos fogos artificiais,  que se estima será sobre as 00:40 horas.

O mércores día 16 de agosto, desde as 23:00 h ata a finalización dos fogos do río, que se prevé sobre as 00:40 horas, estará cortado o tráfico en todo o Paseo do Malecón, así como na Ponte Vella e nas rúas de acceso a esta (Méndez Casal desde Campo de San Antonio) e Santa Clara desde o enlace con rúa Corredoira.

Igualmente, todas as datas das festas pecharase a rúa Duquesa de Alba entre ás 00:00 e as 08:00

Todos os horarios e datas son orientativos, podendo ser modificados en función das necesidades que xurdan durante a celebración das Festas Patronais. En todo caso, instalarase sempre a sinalización correspondente. O Equipo de Goberno quere solicitar e agradecer a colaboración aos cidadáns que se poidan ver afectados polas medidas que se adoptarán durante os días que dure o dispositivo de tráfico das Festas Patronais de Monforte.

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...