Un ano máis, volven As Oportunidades de Verán do Centro Comercial Urbano (CCU de Monforte), serán a fin de semana do 19 e 20 de agosto (sábado e domingo) na Praza de Abastos do Concello de Monforte de Lemos.
As 11 tendas asociadas que participan nesta ocasión son as seguintes: Mimos, Cactus Rose, Mercería Carmen, Centro Óptico Susana Wirz, Sapitos y sirenas, Carpe Diem, Da Nosa Terra, F&M Moda, Chus Boutique, Sabrina Moda e Ada Home, ofrecerán grandes descontos de fin de tempada superando nalgúns casos o 70% en moda, calzado, bebé, complementos, óptica, decoración, mercería e agasallo.
Este ano, ademais, haberá unha sorpresa para a cativada, un agasallo ‘máxico’ que o CCU anunciará nas redes sociais antes da fin de semana do evento.
Horario das ‘Oportunidades de Verán do CCU’:
Sábado 19 agosto:
– Mañá: 10.00h a 14.00h
– Tarde: 18.00h a 21.00h
Domingo 20 agosto:
– Mañá: 11.00h a 14.00h
– Tarde: 18.00h a 20.00h
A actividade está cofinanciada pola Xunta de Galicia e conta coa colaboración do Concello de Monforte.
