Con todo, “o máis relevante son os danos que producen nos cultivos e na seguridade viaria das estradas rurais”. “En Galicia producen xa 10 accidentes de tráfico ao día e cuantiosos danos aos cultivos”.

“Falamos de case 4.000 ao ano, o cal é un serio problema de seguridade viaria no rural”. Xunto a isto, alude a “os 12 millóns de euros de danos directos aos cultivos, fundamentalmente millo para forraxe, pasto e outras producións como pataca, horta, castañas ou viñedo”. Por todo iso, recalca que “hai que mellorar as liñas de axuda e diminuír a burocracia”. Así, aínda que destaca a mellora na coordinación, sostén que as indemnizacións son “insuficientes”.