A onda de calor segue elevando as temperaturas en toda a comunidade galega, nunha xornada na que o sur de Lugo e a provincia de Ourense xa rozan os 40 graos ao redor das 13,00 horas.

Así, segundo a información de Meteogalicia, a estación de San Clodio, en Ribas de Sil, rexistrou 38,2 graos centígrados a esa hora.

Á mesma hora, en Larouco os termómetros chegaron a 37,7 graos, a 36,5 graos en Leiro (tamén en Ourense) e a 36,1 graos en Rubiá (na mesma provincia). De novo ao sur de Lugo, en Antas de Ulla, o mercurio marcou 36,1 graos ás 12,30 horas.