HomesociedadeA D.O. Ribeira Sacra fixa o 14 de setembro como data remendada...

A D.O. Ribeira Sacra fixa o 14 de setembro como data remendada para iniciar a vendima

O pleno do Consello Regulador da D.O. Ribeira Sacra reuníase a última hora deste 31 de agosto para decidir a data recomendada para o inicio xeneralizado da vendima na Denominación de Orixe. Para iso téñense en conta os datos dos controis de maduración, que técnicas do Consello Regulador realizaron en parcelas representativas das cinco subzonas da D.O. (Amandi, Chantada, Ribeiras do Sil, Ribeiras do Miño e Quiroga-Bibei) e con todas as variedades de uva acollidas á mesma.

Publicado o

POR
Redacción
- Advertisement -

O pleno decidiu como data oficial para esta campaña, o 14 de setembro, prolongándose previsiblemente a recollida da uva ata outubro. O pasado ano a data oficial foi o 15 de setembro e finalizaba a vendima despois de 47 días de recollida nos que se alcanzaron os 6.092.707 quilos.

Desde o pasado día 22 de agosto algunhas adegas realizan traballos puntuais de vendima, a día de onte hai 16 adegas realizado traballos de vendima, tendo recolleitos ata o momento máis de 221.000 quilos de uva, principalmente Godello con 103.850 quilos. Séguenlle:

  • Mencía, 66.826 quilos
  • Albariño, 23.875 quilos
  • Treixadura, 14.153 quilos
  • Merenzao, 8.477 quilos
  • Brancellao, 2.350 quilos
  • Blanco Lexítimo, 744 quilos
  • Garnacha, 719 quilos
  • Caíno, 100 quilos
  • Tempranillo, 50 quilos

Veedores contratados especialmente para a vendima polo Consello Regulador realizan controis de produción en todos os viñedos acollidos á Denominación de Orixe, para corroborar que a produción real corresponda coa que cada viticultor ten asignada na súa carta de produción. A maiores persoal do SEAGA contratado a través do AGACAL realiza controis tanto en adegas como en viñedos. Así mesmo o Consello Regulador coordina cos corpos e forzas de seguridade do Estado a prevención de entrada de uva foránea para garantir a procedencia das uvas que entran nas adegas acollidas á Denominación de Orixe.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....