O acordo de colaboración alcanzado polo goberno municipal e unha representación veciñal da parroquia de San Salvador de Cesar garante a celebración da tradicional Romaría dos Remedios o vindeiro día 8 de setembro.

En coordinación co concello, a comisión comezou a traballar na elaboración do programa de actividades, que se anunciará nos próximos días. Ao mesmo tempo, desde o goberno local incidirase a través das redes sociais na concienciación e sensibilización cidadá sobre o respecto e coidado do medio ambiente para que todos os asistentes que celebren comidas e merendas campestres deixen as fincas completamente limpas e sen lixo.