Unha investigadora estadounidense visitou Quiroga para recoller datos sobre o galego

Foi o pasado 29 de agosto e obtivo información a partir de preguntas e conversas con varios usuarios do Centro de Día quirogués.

Edificio do Centro de Día da Ribeira, en Quiroga. Foto: Facebook CdD Quiroga.

A profesora Naomi Kurtz, da Universidade de Chicago, visitou a finais de agosto o Concello de Quiroga co obxectivo de recoller datos lingüísticos para a súa tese de doutoramento sobre algúns aspectos morfosintácticos da lingua galega.

Na visita estivo acompañada por David Rodríguez, membro colaborador do Instituto da Lingua Galega (USC), e aproveitou para entrevistar a varios/as usuarios/as do Centro de Día da Ribeira na procura do noso galego máis tradicional.

Os datos recollidos uniranse aos doutros concellos das catro provincias galegas e serviranlle a Naomi Kurtz para o desenvolvemento do seu traballo, que prevé rematar ao longo do vindeiro ano.

DEIXAR UN COMENTARIO

Please enter your comment!
Please enter your name here