O dia 21 de setembro é o Día Mundial do Alzheimer. Dende a Federación Galega de Asociacións de Familiares de persoas con Alzheimer (FAGAL), decídese conmemorar este día baixo o lema “...E lémbrate do Alzheimer”. “No alzheimer eu tamén son protagonista” unha frase que recolle a necesidade de incluír a todas as persoas que forman parte do alzheimer e outras demencias (as familias, traballadores de todo tipo, investigadores, políticos, artistas que dan voz, etc).
Na mesma liña, a Confederación Española de Alzheimer (CEAFA) concentra no lema “Integrando a Innovación”, a necesidade de seguir recuperando, ano tras ano, reivindicacións e propostas similares que non foron adecuadamente atendidas por quen custodia a responsabilidade de lexislar e establecer mellores marcos de vida para as persoas afectadas como primeiro elemento de innovación.
Afamon súmase a esta conmemoración para sensibilizar ás administracións públicas e ás persoas en xeral de que a única forma de preservar a memoria destas persoas o maior tempo posible é lembrarse delas. Telas como prioridade sanitaria, investir, investigar e actuar.
O programa de actividades de Afamon será o seguinte:
- Día 23 de setembro, sábado. Entre as 10:00 e as 14:00 horas situarase unha mesa informativa na rúa Cardenal de Monforte (zona peonil) onde membros da xunta directiva, voluntarios e traballadores de AFAMON informarán sobre a enfermidade e as actividades da asociación, entregando folletos con consellos para coidadores das persoas nesta situación.
- Venda de Lotería de Nadal con donativo. Xa se pode adquirir tamén no local social na R/ Doutor Casares nº 35, baixo de Monforte.
- Durante este mes de setembro as persoas usuarias colaboran na deseño dunha “performance” tomando como referencia o lema “No Alzheimer eu tamén son protagonista,” que estará visible ao pública na fachada da sede de AFAMON ata o setembro.
