A actividade desenvolverase no local da Asociación Albores Saúde Mental en Monforte e está destinada a mulleres con calquera tipo de doenza mental (ansiedade, depresión…) e ás súas achegadas, en situación de desemprego ou con contratos a xornada parcial ou por debaixo da súa titulación.

En caso de quedar prazas libres cubriranse con outras mulleres que estean interesadas. Para inscribirse poden chamar ao 982.404.968 ou enviar un correo electrónico a albores@albores.org. As solicitudes serán atendidas por orde de inscrición.

O primeiro módulo dará comenzó o día 16 de outubro e rematará o 27 de outubro. Realizarase de luns a venres en horario de 16:00 a 21:00 da tarde. Consistirá nunha formación sobre competencias dixitáis básicas. O segundo e terceiro módulos son de competencias dixitais avanzadas e competencias dixitais para o emprendemento

A entidade organizadora é Be Project Consultores e Ara Formación e conta con financiamiento da Consellería de Promoción do Emprego e Igualdade, cos fondos Next Generation da Unión Europea e cos do Plan de Recuperación, Transformación e Resilencia do Ministerio de Educación e Formación Profesional.