Iniciosociedade830 paseos en barca polo Cabe este verán

830 paseos en barca polo Cabe este verán

Os paseos en barca polo río Cabe seguen sendo un dos principais atractivos turísticos do verán na cidade de Monforte, e boa mostra de elo é o incremento acadado neste ano 2023, con respecto a anos anteriores.

Publicado o

POR
Redacción
- Advertisement -

Dende o inicio do mes de xullo e ata o pasado 30 de setembro, o Club de piragüismo Quixós, que se encarga da xestión desta actividade organizada polo Concello de Monforte, contabilizou un total de 830 viaxes. O punto de inicio destes percorridos era o embarcadoiro do Parque dos Condes e cada paseo tivo un custe de 3’25 euros por barca, como en anos anteriores.

Os datos reflicten que o mes de agosto é o que acapara o maior número de percorridos polo río. De feito, máis da metade das viaxes do verán realizáronse durante este mes, en concreto, neses días de vacacións por excelencia, houbo 482 paseos. No mes de xullo foron 252 viaxes, e no de setembro, 96.

As cifras correspondentes ós paseos en barca confirman que este verán houbo moita xente en Monforte, é unha proba máis de que “Monforte e a Ribeira Sacra están de moda”, destacou o alcalde, José Tomé Roca. Xunto co ano 2021, no que se alcanzaron os 1.043 percorridos, son as mellores cifras dos últimos anos.

En concreto, se comparamos as cifras con respecto ó ano 2022, no que o total de paseos foi de 614, en 2023 foron 216 paseos máis que naquel ano, un incremento do 35%. Polo que respecta ó ano 2020, no que se alcanzaron as 739 viaxes, o incremento en 2023 foi do 12%,  91 viaxes máis. Finalmente en 2019, rexistráronse 798 paseos, polo que en 2023 o incremento foi do 4%, con 32 viaxes máis.

ÚLTIMAS

Recollida de sinaturas en Monforte para lembrar os incumprimentos da ‘Iniciativa Xabarín’

A delegación da MESA Pola Normalización Lingüística no sur de Lugo daralle apoio á...

O PP de Monforte non respaldou uns orzamentos que califica de “enganosos, problemáticos e que endebedarán a Monforte”

A voceira popular, Katy Varela, denuncia que "as políticas postas en marcha e defendidas...

Na Pobra do Brollón vaise de tapas desde este 1 de decembro ata o día 8

Catro locais participan na propia Pobra do Brollón: Avenida, A Vella Taberna, Primeiro de...

O palco da música de Vilamor, no Courel, loce un fermoso mural

A Asociación de Desenvolvemento Rural Serra do Caurel vén de rematar un traballo voluntario...