O QuiMedo 4 prometía un ano máis medo, terror, diversión.. e non defraudou. A pesar da intensa choiva que facía máis terrorífica a noite, o máis dun milleiro de valentes inscritos recorrían as 8 casas. A casa Sau, o Circo Malvado, A Peste, Stranger Things, Chucky, A Momia, Biblioteca Poseída e a Carcel Zombi foron os nomes das casas que xa daban unha idea do que se podía atopar no seu interior. Así recolle o Facebook do concello de Quiroga o balance da noite do 28 de outubro.

No pavillón municipal, centro neurálxico do QuiMedo cada líder de grupo recollía as pulseiras de entrada nas casas e tamén para o inicio da festa infantil, aberta a todos os nenos e nenas sen necesidade de inscrición.

A QuiMedo Fest comezaba a partir das doce e media da noite coa actuación do grupo de versións pop-rock “En Mala Hora” e remataba co Dj local Michel.