HomesociedadePor fin Monforte verá completada a conexión da rolda urbana coa N-120

Por fin Monforte verá completada a conexión da rolda urbana coa N-120

O Ministerio de Transportes, Mobilidade e Axenda Urbana (Mitma) asinou un convenio coa Deputación de Lugo e o Concello de Monforte de Lemos para a execución dun novo vial de conexión entre as estradas N-120A e a N-120, completando as dúas primeiras fases para enlazar coa N-120 no tramo entre a rúa Ourense e Piñeira, e para a mellora da seguridade viaria na contorna.

Publicado o

POR
Redacción
- Advertisement -

O orzamento estimado das actuacións deste convenio ascende a 7,5 millóns de euros (IVE incluído), acordándose o financiamento da seguinte forma: 90% Mitma, 6,66% a Deputación de Lugo e 3,34% o Concello Monforte de Lemos.

Por unha banda, o convenio ten por obxecto establecer o marco para proceder á redacción do anteproxecto, do proxecto de trazado e de construción, a tramitación ambiental, as asistencias técnicas para a súa execución e a tramitación das expropiacións necesarias. Por outro, ten por obxecto a cesión por parte de Mitma dese tramo de estrada ao Concello de Monforte de Lemos.

Ademais de financiar a maior parte das actuacións, corresponden ao Ministerio as seguintes obrigas:

  • Redactar e aprobar o anteproxecto, proxecto de trazado e construción do novo vial de conexión entre a estrada N-120A e a nova N-120 e mellora da seguridade viaria na contorna, en Monforte de Lemos.
  • Tramitar o procedemento de avaliación ambiental do citado anteproxecto.
  • Tramitar o expediente expropiatorio correspondente.
  • Licitar e executar as obras, así como contratar todas as asistencias técnicas necesarias para o correcto desenvolvemento da obra.
  • Formalizar, á finalización das obras, o cambio de titularidade do tramo executado a favor do Concello de Monforte de Lemos, mediante acta de recepción e cesión subscrita polas Administracións interesadas, na que se definirán con precisión os límites do tramo afectado.

O convenio estará vixente ata a recepción e liquidación das obras e, como máximo, por un prazo de 4 anos desde a data en que sexa eficaz, unha vez inscrito no Rexistro Electrónico estatal de Órganos e Instrumentos de Cooperación do sector público estatal. Así mesmo, será publicado no Boletín Oficial do Estado. A vixencia do convenio poderá prorrogarse por un período de ata catro anos adicionais, mediante a tramitación da addenda correspondente, previo cumprimento de todos os trámites e requisitos que resulten preceptivos de conformidade coa lexislación vixente.

ÚLTIMAS

O Quiroga Trail Challenge pecha inscricións con 1.200 participantes

En menos de dúas semanas celebrarase a undécima edición do Quiroga Trail Challenge. O...

O BNG concéntrase diante do Hospital de Monforte en favor da sanidade pública

A concentración estivo presidida polos Deputados do territorio e da área de sanidade no...

Axentes forestais ofrecen atención á veciñanza na Pobra do Brollón

O equipo de axentes ambientais adscritos ao Concello da Pobra do Brollón do Distrito...

Álvaro Gómez, promesa do bádminton e con orixes en Sober, bronce nunha competición internacional

Álvaro Gómez, xogador de bádminton vigués de orixe soberina --na parroquia de Lobios--, acadou...