IniciosociedadeUn home de Sarria enfróntase a un ano de prisión por acosar...

Un home de Sarria enfróntase a un ano de prisión por acosar a unha muller a través das redes sociais e pola rúa

O Xulgado do Penal número 1 de Lugo acollerá este xoves a vista oral contra un home acusado de acosar, a través das redes sociais e en diferentes espazos da vía pública, a unha muller no municipio de Sarria entre os meses de xaneiro e marzo de 2021.

Publicado o

POR
redaccion
- Advertisement -

De acordo ao recolleito no escrito de acusación, o presunto autor entrou en contacto coa vítima a través da rede social Facebook, desde onde a instou a un encontro que a muller declinou. Nos días sucesivos, segundo o relato do Ministerio Fiscal, o imputado repetiu o procedemento de maneira “insistente e reiterada a pesar de ser consciente do rexeitamento e malestar que producía a súa conduta”.

Co transcurso das semanas as presuntas manobras de acoso trasladáronse á vía pública, onde o acusado perseguiu á muller ao longo de diferentes días en distintos lugares do municipio, chegando mesmo a realizar o devandito seguimento instalado nas inmediacións do seu domicilio. “Unha intensa sensación de medo” levou a vítima a formular a denuncia. A Fiscalía pide agora para o acusado unha pena dun ano de prisión e a prohibición de aproximarse á vítima a unha distancia inferior a 200 metros e de comunicarse con ela por calquera medio nun prazo de dous anos como suposto autor dun delito de acoso persoal.

ÚLTIMAS

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...

O PP de Monforte urxe ao arranxo inmediato de varias rúas

Unha das actuacións ás que se comprometeu o goberno local é o arranxo do...

PP e IGV lamentan que a mellora da N-540 non remate ata 2027

O Partido Popular considera insuficiente o anuncio da adxudicación das obras de rehabilitación do...

5 viaxes ao ano e comidas de 400 persoas, a Asoc. de Pensionista e Xubilados de Pantón segue un plan que funciona

A Asociación de Pensionistas e Xubilados de Pantón fundouse no 2002. Na actualidade conta...