O vindeiro venres, 15 de decemebro, e ata o 31 de decembro desenvolverase a VII edición “O LOTÓN“. As compras entre as datas sinaladas farán que un/unha cliente do CCU de Sarria gañe MIL EUROS, que terá que gastar de novo no comercio asociado. Esta é a actividade central da campaña, cun premio moi apetecible entre os consumidores do CCU. Mil euros que premiarán a fidelidade dos consumidores ao pequeno comercio. A persoa premiada terá que facer as súas compras antes do día de Reis. O sorteo terá lugar nas redes sociais de ACES o martes, 2 de xaneiro. 

Parte da programación é tamén que os establecementos asociados poderán participar un ano máis no concurso de escaparates que ten como obxectivo a posta en valor dos negocios locais a través das votacións do público nas redes sociais. 

Ademais durante o Nadal contarase con animación na rúas, a visita do Papá Noel do CCU de Sarria e outro día un Paxe Real. Os clientes e viandantes poderán sacar fotos con eles. 

Dende a Asociación de Comerciantes e Empresarios de Sarria aseguran que “apostan por dar vida ao Nadal, embelecendo os escaparates dos nosos comercios con decoración para crear un ambiente navideño. O comercio e hostalaría da vila desexan transmitir alegría e ilusión nestas datas”.