Tras a inspección levada a cabo polos técnicos de Aqualia, no informe remitido por esta empresa ó Concello, descártase a existencia de fugas na rede xeral e, do mesmo xeito, indícase que se localizou a existencia dun pozo artesán dentro dun solar, que é a orixe de dita fuga, vertendo a auga para a rúa Abelardo Baanante.

Co informe elaborado pola empresa, o Alcalde ven de decretar e resolver requerir ao propietario da finca para que de forma inmediata, nun prazo non superior a quince días, proceda ao selado e reparación do pozo ao que se fai referencia no informe “Se realizaron inspecciones en la zona, detectándose la existencia de un pozo artesano en la finca situada en el margen izquierdo de las escaleras de subida. El agua que emana del pozo es de tal cantidad que la vivenda anexa se encuentra completamente anegada. La conclusión que se saca de las inspecciones y pruebas realizadas es que el origen del agua filtrada no es ni de la red de abastecimiento ni de la red de saneamiento. Debiendo requerirse al propietario de la finca el sellado y reparación del pozo

Ademais o concello apercibe ó propietario que de non proceder a dito selado e reparación, acordarase a execución forzosa para proceder a solucionar este problema, cargando os custes ó dono do solar, de acordo cos artigos 99 e 100 da Lei 39/2015 de 1 de outubro do Procedemento Administrativo Común.