O CEIP Plurilingüe Virxe do Carme de Sober recibiu máis de 530.000, grazas ás axudas da Xunta de Galicia, euros entre 2009 e 2022. Os investimentos destináronse a melloras como o sistema de calefacción, o arranxo da instalación eléctrica, acceso e reformas en diferentes instalacións, obras no polideportivo, creación dun parque infantil, a ampliación do comedor e o almacén, a reforma do salón de actos e melloras na eficiencia enerxética, entre outras.

De cara a este ano 2024 está previsto acometer novas obras de mellora e acondicionamento, entre elas a reforma da cuberta do ximnasio e as baixantes e canalóns de todo o edificio.

O Colexio participa nunha serie de proxectos, cos que colabora tamén o goberno local, como son o PLAMBE (Plan de Mellora de Bibliotecas Escolares), radio na biblioteca, biblioteca creativa, club de lectura e programa de voluntariado.

O colexio case duplicou o número de alumnos nos últimos anos, pasando de 39 en 2010 a case 70 no curso actual.