Isabel Rodríguez informoulle dos investimentos que está a realizar o Goberno no concello como é o caso da posta en marcha de internet a alta velocidade en 726 vivendas e empresas, apostando por levar a modernización das infraestruturas de rede ao rural.

“Con estes investimentos, a Quiroga se lle facilitan opcións en materia de infraestruturas xunto co resto dos municipios lucenses, velando pola importancia que teñen os seus cidadáns para a comarca e o conxunto da provincia“, apuntou Rodríguez.

A subdelegada tamén animou ao rexedor a solicitar a axuda do Goberno e da subdelegación cando a precise e de seguir apoiándose mutuamente para desenvolver todo o potencial do municipio e lograr unha provincia máis cohesionada e dinámica que mellore a vida dos seus habitantes.