Finca Quinteliña é unha finca para celebración de eventos de Chantada que naceu hai uns quince anos, segundo nos conta Ramón, terceira xeración da familia Mogay e irmán do cociñeiro Antonio Lorenzo, chef do restaurante A Faragulla.
Nos anos 60 triunfou a Sala de Festas, o antigo Mogay, rexentado pola avoa de Ramón; despois foi o tempo do Hotel Restaurante Mogay, no centro de Chantada e cos seus pais ao fronte dende o ano 1985; e co paso dos anos, e as modas das fincas, naceu Finca Quinteliña como lugar onde trasladar a celebración de eventos.
E para este 2024 chegan novidades neste establecemento. Nace un novo proxecto que se presenta por todo o alto o venres 19 de xaneiro abrindo as portas para a nova tempada cun evento que terá lugar das 18:30 ás 22:30 h. no que haberá un cóctel, show cooking, música cun DJ, fotomatón e outras sorpresas. Para o aperitivo están convidados provedores e todas as persoas que queiran achegarse a coñecer Finca Quinteliña sempre que se anoten previamente chamando ao teléfono 650383303.
Entre as novidades da nova estapa, cómpre salientar a coincidencia nos fogóns de 3 cociñeiros extraordinarios: Antonio Lorenzo, chef do restaurante A Faragulla; Iñaki Bretal, Estrela Michelín co restaurante O Eirado de Pontevedra; e o chef Diego López, de Finca Pascuais e Restaurante Bullo en Lugo. No propio evento, e baixo o título “Cociña a 6 mans”, ofrecerán un showcooking que está levantando gran expectación.
Os tres cociñeiros citados, xunto con Ramón, presentan así este novo proxecto que abre as súas portas a futuras contratacións de vodas e eventos
