HomesociedadeO IES A Pinguela visitou Murcia nun encontro escolar

O IES A Pinguela visitou Murcia nun encontro escolar

O alumnado de 3º ESO deste centro monfortino vén de participar a pasada semana no terceiro encontro da Agrupación de Centros Educativos que tivo lugar en Blanca (Murcia).

Publicado o

POR
Redacción
- Advertisement -

O alumnado de 3º ESO do IES A Pinguela de Monforte de Lemos vén de participar co dos IES La Marina de Santa Cruz de Bezana (Cantabria), IES Las Salinas de Arrecife (Lanzarote) e IES Valle del Segura de Blanca (Murcia) durante a pasada semana no terceiro encontro da Agrupación de Centros educativos que teñen concedido polo Ministerio de Educación. O obxectivo desta xuntanza é desenvolver durante os cursos 2022/23 e 2023/24 traballos sobre “Diversidade medioambiental e uso sostible da auga nas nosas comunidades”.

Durante a estancia, os alumnos dos catro centros participantes expuxeron os seus traballos sobre as diferenzas hídricas e climáticas das comunidades autónomas de Galicia, Cantabria, Murcia e Canarias nun acto que dirixiu o centro de acollida no Teatro Victoria de Blanca e no que estiveron presentes o alcalde daquela localidade, Pablo Cano, e a secretaria xeral da
Consejería de Educación, Carmen María Zamora.

O alumnado no teatro despois das súas exposicións. Foto: IES A Pinguela.

Esta iniciativa do Grupo de Centros Educativos ten como obxectivo concienciar e formar sobre o ODS 6 “Garantir a dispoñibilidade de auga e a súa xestión e saneamento sostible para todos” ademais de convivir e establecer vínculos entre o alumnado e o profesorado dos diferentes centros participantes.

VISITAS

Aproveitaron para coñecer o Valle de Ricote e facer sendeirismo por unha senda de horta tradicional á beira do embalse de Azud de Ojós, desfrutar do balneario La Fuente de La Fortuna, coñecer a cova neolítica de La Serrata, as norias de Abarán, onde se atopa a maior de Europa en funcionamento, o xacemento hispano-musulmán de Medina Siyasa, Salinas de San Pedro de Pinatar no Mar Menor, Cartagena, Caravaca de La Cruz, Fuentes del Marqués, Santuario de la Virgen de la Esperanza, e loxicamente a capital da comunidade murciana onde visitaron tamén o estadio Enrique Roca do Real Murcia de fútbol.

Cova de La Serrata. Foto: IES A Pinguela.
Norias de Abarán. Foto: IES A Pinguela.

O derradeiro encontro escolar será en Monforte de Lemos durante o mes de abril.

ÚLTIMAS

Moi bos datos de visitantes a Monforte segundo a información obtida das oficinas de atención turística

O Concello de Monforte vén de informar dos "excelentes datos de afluencia de visitantes"...

Pranchas de xeo na LU-P-4102 á altura do Saviñao causan varias saídas de vía

O xeo da LU-P-4102 no municipio lucense do Saviñao provocou varias saídas de vía,...

‘Provincia de Lugo. Mergúllate na maxia das súas augas’, campaña que leva a FITUR a Deputación de Lugo

A Deputación de Lugo presentará a súa nova campaña de turismo, ‘Provincia de Lugo. Mergúllate na...

Xunta e Consello Regulador da D.O. Ribeira Sacra reforzarán a súa colaboración

O director da Axencia Galega da Calidade Alimentaria, adscrita á Consellería do Medio Rural,...