O CCU de Monforte anuncia a volta das Oportunidades de Inverno, un evento que marca o final das rebaixas de inverno no comercio local.
O mercado terá lugar no espazo anexo á Praza de Abastos do Concello de Monforte de Lemos durante a fin de semana do 24 e 25 de febreiro. “Será unha oportunidade única para desfrutar de grandes descontos, superando nalgúns casos o 70%, en moda, calzado, bebé, complementos, electrónica, decoración, mercería, agasallo e moito máis”, din dende a xerencia do Centro Comercial Urbano.
As 10 tendas asociadas que ofrecerán ofertas excepcionais son: Da nosa terra, Carpe Diem, Raúl e hijos, Mimos, FYM Moda, Sabrina, Sapitosysirenas, Mercería Carmen, Cactus Rose e Chus Boutique.
HORARIOS
Sábado 24 de febreiro, pola mañá de 10.30 h. a 14.00 h; e pola tarde de 17.00 a 20.00 h.
Domingo 25, en horario de maña que comprenderá das 11.00 ás 14.00 h. e en horario de tarde das 17.00 ás 19.00 h.
SORTEO DE 500 EUROS
Como novidade este ano, aqueles que merquen no Mercado de Oportunidades poderá gañar un premio único de 500 € (10 vales de 50 euros cada un). Con cada compra que realicen durante o evento recibirán unha papeleta para participar no sorteo da cantidade de cartos indicada. O gañador ou gañadora terá que gastar o premio nas 10 tendas participantes no evento (50 € en cada unha).
O sorteo será presencial o domingo 25 de febreiro ás 18:00 h. e cómpre estar fisicamente no lugar onde se realiza o sorteo. De non estar a persoa agraciada, transcorridos 5 minutos a organización procederá a sacar outra papeleta.
As bases completas do sorteo están na páxina web do CCU de Monforte.
