O Ministerio de Fomento está a realizar traballos para mellorar a adherencia do pavimento na N-120.

Os traballos comezaron este mércores e están obrigando a cortar a circulación dun carril a medida que se vai aplicando o tratamento e mentres se agarda a que este sexa absorbido e quede consolidado.

Estas melloras teñen por obxecto reforzar a seguridade no treito comprendido entre os puntos kilométricos 508 e 510 da estrada N-120 ao seu paso polo concello de A Pobra do Brollón no que se teñen producido varios accidentes de tráfico.

A actuación que se está levando a cabo consiste na aplicación dun tratamento de slurrys, material que se emprega para aumentar a adherencia do pavimento.

Está previsto que estes traballos estean rematados para a próxima semana, posteriormente, tan pronto o tempo o permita, procederase ao pintado da vía.