Este venres 8 de marzo, ás 12:00 horas no Salón de Actos da Casa da Cultura, terá lugar o acto central arredor do 8M, coa Concentración e lectura do Manifesto a cargo da Concelleira de Muller e Igualdade, Margarita López.

Tras a lectura do Manifesto, desenvolverase unha Peza de Danza-Teatro que leva por título o lema do 8M deste ano “Fiando na igualdade técese unha sociedade”, a cargo da artista monfortina Merche Pérez, á que seguirán intervencións de alumnos e alumnas dos diferentes centros educativos da cidade.

Das 19:30 h. ás 00:00 horas, iluminarase de cor malva e farase unha proxección dixital na Torre da Homenaxe co lema “Monforte pola Igualdade”.