Os concelleiros de Servizos, José Luis Losada, e Sanidade, Pilar Espinosa, representaron ó Equipo de Goberno no Desfile de Traxes Medievais e complementos que tivo lugar esta fin de semana dentro do programa de actividades do Mercado para a Medieval da Praza de Abastos.

O Desfile contou cunha gran afluencia de público, que encheu o espazo expositivo dos Mercados, e no que puideron ver diferentes deseños de traxes medievais e de complementos, de cara a decidir as vestimentas que utilizarán na XX Feira Medieval, o 30 e 31 de marzo en Monforte.