A Asociación Cultural Segredos de Pantón organizará unha andaina polo concello veciño de Sober, concretamente na parroquia de Pinol o vindeiro 29 de marzo.
Alén da paisaxe natural da zona, os camiñantes visitarán uns enclaves importantes da ribeira do Sil. En palabras de Lucas Vázquez, membro de entidade, “descubriremos os petróglifos da Pena do Lagarto, ubicados camiño entre as parroquias de Pinol e Santiorxo, e tamén visitaremos a Igrexa de San Vicente de Pinol, un exemplo de románico do século XII”. Ademais, engade Vázquez, “continuando camiño arriba, contemplaremos o Santuario de Cadeiras, construído no século XVIII, lugar de peregrinación polos milagres atribuídos a Virxe de Cadeiras. No mesmo lugar, desfrutaremos das vistas aos canóns do Sil, dende o mirador, alí emprazado”.
Durante o percorrido faranse paradas explicativas para contar historias, lendas e tradicións.
DETALLES CONCRETOS DA CAMIÑADA
Prazas: 30 persoas con reserva previa.
Custo: 2 euros por persoa.
Distancia: 6 quilómetros e percorrido moi sinxelo.
Lugar de saída: Campo de Pinol. Ubicación en Google maps: https://maps.app.goo.gl/oEo2xnP5jDw1TbLTA)
Saída: 10:00 horas.
Finalización da ruta: 13:00 horas aproximadamente.
Para anotarse cómpre dirixirse ao correo segredosdepanton@gmail.com ou contactar nos teléfonos seguintes: 673221241 (Manuel) ou 662669223 (Lucas).
