HomesociedadeA Ribeira Sacra espera chegar ao 82% de ocupación esta Semana Santa

A Ribeira Sacra espera chegar ao 82% de ocupación esta Semana Santa

Cos datos recollidos ata o de agora, se as previsións se manteñen, a ocupación será dun 6% máis que na Semana Santa 2023. A diferenza máis significativa está na comparativa da ocupación entre os días previos e os centrais que se reduce significativamente. Dos aloxamentos que remitiron os seus datos, teñen unha ocupación bastante máis elevada de venres a mércores; principalmente hoteis de 3 e 4 estrelas e turismo rural.

Publicado o

POR
Redacción
- Advertisement -

Cos datos recollidos ata o de agora, a ocupación media para a Semana Santa é do 82%. O Consorcio de Turismo da Ribeira Sacra define dúas franxas de ocupación. Por unha banda, os días previos aos festivos que abranguen do venres 22 ao martes 26 de marzo, e por outra banda, os días centrais que van dende o mércores 27 ao luns 1 de abril (este último festivo en varias CCAA):

Días previos (22/03-26/03):

  • Hoteis 3 e 4*: 75% (63% en 2023)
  • Turismo rural: 82% (68% en 2023)
  • Vivendas Turísticas e de Uso Turístico: 90 % (64 % en 2023)
  • Resto alox.: 69% (59% en 2023) 
  • TOTAL: 79% (63% en 2023)

Días centrais (27/03-01/04):

  • Hoteis 3 e 4*: 78% (87% en 2023)
  • Turismo rural: 83% (88% en 2023)
  • Vivendas Turísticas e de Uso Turístico: 95% (91% en 2023)
  • Resto alox.: 83% (88% en 2023)
  • TOTAL: 85% (89% en 2023)

As previsións mantéñense en niveis semellantes a anos anteriores nos días centrais, a excepción dos hoteis que polo momento rexistran menor ocupación. No balance de ocupación é importante destacar o incremento no número de prazas de ano en ano, “polo que o número de hóspedes totais vai a ser superior, probablemente, a calquera Semana Santa anterior. Moitos dos propietarios manifestan que aínda agardan reservas de última hora. Malia iso, teremos que ter moi presente a predición meteorolóxica, que pode condicionar a ocupación das últimas prazas”, conclúen desde o Consorcio de Turismo da Ribeira Sacra.

ÚLTIMAS

Intercambio de acusacións entre o PP e o PSOE en Monforte ante a suba da taxa de recollida de lixo

Esta semana o alcalde de Monforte, José Tomé Roca, explicou que SOGAMA sube a...

O BNG reclama unha protección especial para o túnel romano de Montefurado

O deputado do Bloque Nacionalista Galego, Iago Suárez, demanda na Comisión 6.ª Industria, Enerxía,...

A AV do Saviñao demanda medidas para mellorar a xestión do lixo no municipio

A AV asegura ter recibido queixas e peticións veciñais relacionadas coas carencias na xestión...

A Agrupación de Empresas da Ribeira Sacra presenta o seu Plan Director

O delegado territorial da Xunta, Javier Arias, asistiu ao acto de presentación das liñas...