HomesociedadeO Obradoiro Serra do Faro VIII mellora o Parque Eloísa Rivadulla de...

O Obradoiro Serra do Faro VIII mellora o Parque Eloísa Rivadulla de Chantada

O Obradoiro Dual de Emprego Serra do Faro VIII forma a unha vintena de alumnos dos concellos de Chantada, Carballedo e Taboada. As persoas que participan no Obradoiro fórmanse nos módulos de Xardinaría, Albanelaría e Atención Sanitaria. Neste último a formación é continuada e en Xardinaría e Albanelaría, ademais das clases teóricas, realízanse prácticas de 4 meses en cada concello.

Publicado o

POR
Redacción
- Advertisement -

O Concello de Chantada centra a actividade do Obradoiro no Parque Eloísa Rivadulla. Así o alumnado de Albanelaría estivo acondicionando o parque e mellorando a súa accesibilidade. Habilitáronse ademais novos baños públicos, mellorando os pendellos que se crearan cun Obradoiro anterior, fixéronse uns baños accesibles para uso da xente que visita o parque.

Esta semana comezaba a traballar no Parque Eloísa Rivadulla o módulo de Xardinaría. Ademais de pequenas obras e mantemento de xardíns, neste parque eliminarase a zona de aparcamento para dotalo dunha zona verde axardinada con árbores e bancos.

“Queremos humanizar o Parque Eloísa Rivadulla con estas melloras. É un privilexio ter en Chantada este espazo tan amplo e tranquilo. Temos as pistas de tenis, a escola infantil, está ao carón o centro de día, o restaurante que é unha concesión municipal. E agora estámoslle dando máis accesibilidade e comodidade como zona verde para o esparexemento”, asegura o alcalde de Chantada, Manuel Lorenzo Varela.

Coa transformación do aparcamento do Parque Eloísa Rivadulla en zona axardinada, o Concello de Chantada habilita un novo espazo para estacionamento. Trátase dunha finca na rúa Muiñeira de Chantada, que un particular cede ao concello para acondicionar como parking público.

Obradoiro de Emprego Serra do Faro VIII / Concello de Chantada

ÚLTIMAS

O Courel protesta pola ausencia de médicos

As protestas repetiranse o vindeiro mércores e ata que se solucione a situación, segundo...

Escultura en madeira con motoserra no IES A Pinguela

Eugenio Linares, asturiano e veciño de Tuiriz, no Concello de Pantón, realizou hai uns...

Diversidade e conciliación camiñando polos miradoiros de Sober

Redes Lilas agrupou a unhas 40 mulleres nunha andaina a través dos miradoiros do...

Esperta Monforte leva a pleno ampliar e mellorar a Biblioteca adquirindo o edificio da galería Sargadelos

Esperta Monforte considera que as instalacións da casa da cultura, e en particular da...