Homesociedade70.000€ para a drenaxe da vía LU-P-5702 ao seu paso polo Rego...

70.000€ para a drenaxe da vía LU-P-5702 ao seu paso polo Rego de Monelo, en Sarria

A Deputación de Lugo iniciará este venres as obras de renovación das obras de drenaxe transversal da estrada provincial LU-P-5702, en Sarria, á altura do quilómetro 1,610. Uns traballos, que ascenden a 70.000€, e que se realizan pola vía de emerxencia unha vez que o equipo técnico provincial detectou que a vía se atopaba danada neste punto.

Publicado o

POR
Redacción
- Advertisement -

As obras executaranse á altura do Rego de Monelo, en San Vicente de Froián, nesta estrada que conecta esta zona sarriá con Pedrafita do Cebreiro por Sabadelle. Os traballos neste treito consistirán no desvío do leito do río, retirada das varandas, corte de pavimento, demolición e retirada da lousa de formigón e tamén dos muros de mampostería, escavacións precisas, execución da cimentación mediante a lousa de formigón armado, colocación de marcos prefabricados, afirmado e pavimentación, execución das aletas con muros, reposición de sinalización horizontal e implantación de sistemas de contención.

A maquinaria traballará en todo momento desde a estrada, non se cortará ningunha árbore nin se verá afectada a vexetación ás beiras da auga, e empregaranse materiais que presentan unha boa integración paisaxística como a pedra para a execución das aletas.

A vía manterase cortada neste punto dende este venres durante un mes para o correcto desenvolvemento das obras e para salvagardar a seguridade das condutores e peóns. A institución provincial instalará sinalización informativa e habilitará desvíos, co obxectivo de que o corte afecte o mínimo posible aos usuarios e usuarias da estrada.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...