A Ruta do Viño da Ribeira Sacra celebra do 24 ao 26 de maio a Primavera de Portas Abertas que promove Turismo de Galicia en todas as rutas do viño de Galicia. A programación presentarase o martes, 23 de setembro.

Como novidade este ano, a Axencia de Turismo de Galicia organiza fins de semana nas 5 Rutas con instagramers. Co obxectivo de dar a coñecer os recursos turísticos, gastronómicos, paisaxísticos e patrimoniais da Ruta do Viño da Ribeira Sacra cóntase desde este venres ata o 21 de abril, cun Fam Trip dos distintos bloggers que percorrerán o territorio para despois difundilo. Contarase con representación de: @petiscosgalegos, @galicia.angibaldrich, @gallegoviajero e @curiosi.travel

Os bloggers chegaban este venres pola tarde ao aloxamento Mogay de Chantada e tiveron cea no restaurante A Faragulla. O resto do programa de visitas dos/as influencers seguirá a seguinte axenda:

Sábado 20 de abril

• 09.30h. Almorzono Hotel Mogay.
• 11.00h. Visita adega Vía Romama, ubicada nunha casa solariega do século XVI.
• 12.30h. “Coñecemos o Miño pola Ribeira Sacra”. Comezo en Belesar para facer unha ruta na lancha Quinta Sacra con vistas ao Cabo do Mundo, ao castelo de Marce e á fervenza de Augacaída. Visita á adega Finca Míllara con degustación de viños e pratos típicos da zona.
• 14.00h. Xantarna adega Finca Míllara (Pantón).
• 16.00h. Visita guiada ao Ecomuseo Arxeriz (O Saviñao), espazo de 35 hectáreas axardinadas, fronte a un dos lugares máis emblemáticos da Ribeira Sacra: o Cabo do Mundo.
• 18.00h. Visita ao mosteiro de Santa María de Ferreira de Pantón, reservado unicamente a mulleres, conservou a súa función desde a súa creación (s. X).
• 20.30h. Traslado ao aloxamento no Parador de Monforte de Lemos.
• 22.00h. Ceacon viño da D.O. Ribeira Sacra no restaurante Edulis (Monforte de Lemos).

Domingo 21 de abril

• 08.30h. Almorzono Parador de Monforte de Lemos.
• 09.30h. Visita aos Miradoiros de Pena do Castelo e da Penas de Matacás con fantásticas vistas sobre o Canón do Sil.
• 12.00h. Visita e cata na adega Ponte da Boga, a máis antiga da Ribeira Sacra, ubicada ao pé de Castro Caldelas.
• 13.00h. Paseo guiado por Castro Caldelas. Subida ao castelo.
• 14.15h. Xantarno restaurante La Viuda (A Pobra de Trives).
• 16.30h. Traslado desde A Pobra de Trives á estación de ferrocarril de Ourense.
• 17.45h. Chegada.

O día 2 de maio abrirase o prazo para inscribirse nas actividades da Primavera de Portas Abertas na Ruta do Viño da Ribeira Sacra a través da web https://rutadelvinoribeirasacra.org/lista-actividades/es.