No que vai deste ano, son 7 os polígonos agroforestais aprobados en toda Galicia para mobilizar 9.476 hectáreas. No seu conxunto, estes tres novos polígonos mobilizarán un total de 152,57 hectáreas, repartidas en 745 parcelas de 350 propietarios.
Así, o polígono de Cambela, no concello de San Xoán de Río, beneficiará 135 titulares de 301 parcelas, cunha superficie total de 97,36 ha; o polígono que abrangue terreos dos concellos da Peroxa, na provincia ourensá, e de Carballedo, na de Lugo, beneficiará 93 propietarios de 195 parcelas e terá unha superficie de 25,48 hectáreas.
Estes tres novos polígonos terán como actividade principal a gandaría en extensivo, dentro da aposta do Goberno autonómico por prever incendios forestais a través da xestión e a dinamización socioeconómica do territorio. Para potenciar a gandaría en extensivo como custodio do territorio, a Xunta potenciará dúas iniciativas para xestionar a biomasa a través de axudas específicas para o silvopastoreo e un piloto de manexo de gando propio.
Contando con estes tres novos polígonos agroforestais, en Galicia hai 33 iniciativas de mobilización de terras deste tipo en diferentes fases de execución, que supoñen a posta en valor de 9.476 hectáreas, distribuídas en 31.102 parcelas propiedade de 8.918 veciños.
Ligazón no DOG ao decreto do polígono no concello de San Xoán de Río
Ligazón no DOG ao decreto do polígono nos concellos da Peroxa e Carballedo
