HomesociedadeBrinde en Pantón para celebrar o 'Día do Viño D.O.'

Brinde en Pantón para celebrar o ‘Día do Viño D.O.’

Farase durante a XXIX Mostra de Viños da Ribeira Sacra de Pantón e está organizado pola Conferencia Española de Consellos Reguladores Vitivinícolas (CECRV).

Publicado o

POR
Redacción
- Advertisement -

A D.O. Ribeira Sacra únese este sábado, 11 de maio, á celebración do Día Viño D.O. 2024. Ás 13:30 o seu presidente Antonio Lombardía sumarase ao brinde colectivo no que participan simultaneamente as 35 denominacións de todo o país e que neste territorio será acollido durante a XXIX Mostra de Viños da Ribeira Sacra de Pantón. A organización desta iniciativa parte da Conferencia Española de Consellos Reguladores Vitivinícolas (CECRV) e ten como obxectivo achegar o viño con denominación de orixe á xente e crear conciencia sobre o seu impacto positivo nas zonas rurais de España.

Nesta oitava edición do Día Viño D.O. o foco estará na contribución das denominacións de orixe do viño á cohesión social dos territorios nos que se sitúan. Baixo o lema “As denominacións de orixe dan vida aos nosos pobos. Celebremos o que nos une!”, promoverase unha conversación en redes sociais co hashtag #VINODOcohesionsocial.

Ademais do brinde, a Mostra de Viños de Pantón estará chea de actividades como actuacións musicais en vivo, entrega de premios do concurso fotográfico Rede Ribeira Sacra-Viticultura Heroica, degustacións de viño con D.O. en catas comentadas e maridaxes gastronómicas.

Mostra de Viños da Ribeira Sacra de Pantón 2017. Foto: Roberto Eireos

ÚLTIMAS

O Courel protesta pola ausencia de médicos

As protestas repetiranse o vindeiro mércores e ata que se solucione a situación, segundo...

Escultura en madeira con motoserra no IES A Pinguela

Eugenio Linares, asturiano e veciño de Tuiriz, no Concello de Pantón, realizou hai uns...

Diversidade e conciliación camiñando polos miradoiros de Sober

Redes Lilas agrupou a unhas 40 mulleres nunha andaina a través dos miradoiros do...

Esperta Monforte leva a pleno ampliar e mellorar a Biblioteca adquirindo o edificio da galería Sargadelos

Esperta Monforte considera que as instalacións da casa da cultura, e en particular da...