IniciosociedadeCadea humana contra a violencia de xénero en Monforte

Cadea humana contra a violencia de xénero en Monforte

O acto principal do concello para conmemorar o 25 N consistirá en rodear de forma simbólica o río Cabe o vindeiro venres 23, pero haberá máis actividades de sensibilización social.

Publicado o

- Advertisement -

Monforte sumouse á campaña colectiva Violencia en Negro na que participan estes días máis dun cento de concellos galegos e tres das catro deputacións. A concelleira, Marina Doutón, destaca que esta adhesión reafirma o compromiso político e técnico do concello para espallar esta acción e para mobilizar á poboación, aos axentes económicos e sociais para que colaboren tinguindo simbolicamente a cidade de negro.

Do 19 ao 25 deste mes a Torre da Homenaxe lucirá unha bandeirola, haberá pancartas na Casa do Concello e na Rúa Cardeal ao tempo que se repartirán carteis para os locais comerciais e de hostalería.

O acto principal para conmemorar o Día Internacional contra a Violencia de Xénero celébrase este venres 23 de novembro, no Parque dos Condes. Alí a concelleira de Cultura será a encargada de ler o manifesto ás 12:00 h. e a continuación terá lugar a cadea humana que rodeará o río Cabe. Alumnos de 6º de Primaria e de 4º da ESO dos centros educativos de Monforte formarán unha cadea rodeando o río da cidade dende a Ponte Nova ata a Ponte Vella. Marina Doutón destaca que “con este acto simbólico queremos tinguir de negro un dos espazos máis emblemáticos da nosa cidade, o río. Pero tamén queremos facer un chamamento a todas/os os veciñas/os que queiran mobilizarse contra a violencia machista para que ese día se sumen a formar parte da cadea humana. Cantos máis sexamos mellor”.

Dentro das accións e actividades complementarias desta semana indicar que na Casa do Concello haberá un libro no que aqueles que o desexen podan asinar para expresar o rexeitamento e condena á violencia de xénero. E o xoves 29 proxectarase a curtametraxe “Miña” na Casa da Cultura Lois Pereiro das 16:00 a 18:00 h.

E xa o 30 de novembro, o Centro Cívico Social será escenario da Mesa de Coordinación para a mellora da atención ás mulleres vítimas da violencia de xénero. Será de 11:30 a 14:30 h.

As actividades están coordinadas polo concello a través do Centro de Información á Muller (CIM)

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...