HomesociedadeMartín Alemparte, anterior xerente do GDR Ribeira Sacra-Courel, toma posesión como director...

Martín Alemparte, anterior xerente do GDR Ribeira Sacra-Courel, toma posesión como director da AGACAL

A conselleira do Medio Rural, María José Gómez, presidiu este mércores a toma de posesión de Martín Alemparte como novo director da Axencia Galega da Calidade Alimentaria da Consellería.

Publicado o

POR
Redacción
- Advertisement -

O acto desenvolveuse no complexo administrativo de San Caetano. Durante a celebración a conselleira destacou a traxectoria profesional de Alemparte, vinculada ao desenvolvemento do rural galego e á súa posta en valor.

Nado en Lugo no 1976, é licenciado en Economía pola Universidade de Santiago de Compostela, na especialidade de Economía Pública e Política Económica. Entre os anos 2000 e 2001 traballou como auditor e asesor de mercado en diferentes empresas privadas.

Dende o ano 2002 ata a actualidade é responsable da xestión do programa Leader en diferentes Grupos de Desenvolvemento Rural de Galicia da provincia de Lugo. Ademais, traballou como impulsor e coordinador dos traballos para a elaboración da candidatura a Xeoparque para as Montañas do Courel, converténdose no ano 2019 en director do primeiro Xeoparque Mundial da UNESCO en Galicia.

Durante estes anos tamén coordinou numerosas publicacións en diferentes ámbitos do desenvolvemento rural e exerceu como profesor e colaborador coas universidades de Santiago de Compostela e Vigo en cursos de posgrao relacionados co emprendemento, o turismo e os recursos naturais.

A conselleira do Medio Rural, María José Gómez, presidiu o acto de toma de posesión de Martín Alemparte Vidal como novo director da Axencia Galega da Calidade Alimentaria.

ÚLTIMAS

O Concello de Chantada aumenta a capacidade e mellora os servizos do punto limpo

O Concello de Chantada vén ampliando e mellorando o punto limpo do municipio desde...

305.000€ para un novo aparcadoiro no Polígono do Reboredo en Monforte

O aparcamento actual, que se ubica na marxe esquerda da vía principal do Polígono,...

Aberto o prazo para a ludoteca de verán de Triacastela

As actividades da ludoteca terán horario de 09:30 a 14:00 horas. Ofértanse 20 prazas...

Encontro sobre lexislación e axudas para o turismo, mentres seguen as xuntanzas “Montes de Saberes”

En Chantada desenvolveuse unha xornada sobre lexislación e axudas dirixida a proxectos relacionados co...